2009年7月12日   星期日   晴(3X℃...)

上月尾，"KING OF POP"，MICHAEL JACKSON在家中離世，巨星殞落。
MJ在世界樂壇有重大的影響，要認真數的，我想數到明晚也數不完。
但是我所想講不是要數數在世界的貢獻，而是想講突然FORUM、電視上還是身邊的出現很多很多所謂MJ的忠實歌迷，
突然說自已不嬲當MJ是偶像、說自已不嬲都欣賞MJ的歌、說甚麼自已不嬲欣賞MJ的舞蹈，
一堆一堆的廢話，娛樂圈中人更甚，為搏取出鏡率無所不用其極，我想他們當中大部份人，
原本連MJ唱過甚麼歌都不知道，極其量只是知道MJ的MOONWAIK，說來說去的招牌歌等，
真正深入的都一無所知了，印像只知道孿童案、整容、漂白等負面消息。當知道MJ離世後，
就忽然"站出來"說自已的偶像是MJ，再上YouTube聽MJ的歌，看MJ的舞蹈，互聯網search MJ的消息，
惡補一番，令自已"當堂"變成其一位MJ的"忠實歌迷"，但香港有多少人真的懂得欣賞？在MJ雜開後，
聽到影音店說突然有很多人搶購MJ的CD，甚至出現斷貨的現像，真是有點哭笑不得的感覺，
因為要等MJ死後，這些人才懂得欣賞，你說這些事是多麼的荒謬...
無可否認，當中世界各地真的有很多MJ忠實、忠誠的歌迷，這個機會不可抹殺，
我自問對MJ認識不多，但看到以上的情況實質看不過眼，出來批評一番，
如果閣下是我所講的人，真反思自已的行為，借一個已離開的人過橋，是多麼無品的行為。

6月28日係HING TING生日，雖然當日落雨無得去迪士尼，但係之後仲有大把機會既，
放心啦，希望妳會鍾意份生日禮物啦~嘻嘻嘻~~生日快樂~~~
而之後一日，6月29日，係大佬生日，雖然我都係兩手空空，但係我已經諗到送乜了~XD~

受傷已久的左腳已灰復得七七八八，但到現在還不敢跑步，陰影比實際傷勢來得更嚴重...
我想短期來還不能踢足球...但路經過足球上踢足球的人令我的心情更沉重...好想踢波...真係好想再踢波...

上星期7月1日回歸假期終於今年第一次到沙灘玩了，今次到大浪灣，
但比起石澳，真係細好多，同埋咁熱既天氣，燒野食真係好辛苦...(雖則係夜晚...)

發覺自已好鍾意行二手店，不論二手衫店、二手漫畫店、二手影碟店、二手GAME店、
只要有得執平/好野，加上以尋寶的心態去，我都唔會介意係咪二手。近排竟然鍾意行二手書局，
搵搵自已有興趣的小說，二手店不愧為二手店，比全新足足平一半，仲要好新淨，
回家已急不及待已完成九把刀的"功夫"及"少林寺第八銅人"，
應該差不多要開始好評如潮的"武道狂之詩"，將會成為我返工放工必備良伴~

上年預定年頭出的"永遠懷念搭可夫斯基"大碟，係7月1日終於出左了~
阿P同何山真係好正，雖然佢地既音樂會無時間去聽，但都買左隻碟支持支持~
"請不要在深水步賣旗"，屌聲四起，玩味十足，仲有"伊波拉病毒地下電影鑑賞會"，
都好正，仲有其他歌都幾好，成隻碟都好正，不枉等左咁耐，近期在屋企長播的CD~

途經新世紀廣場，見到有變形金剛的展覽，見到兒時所有的玩具，好懷念呢...

22歲生日快樂~！

2009年6月19日   星期五   晴(熱到癲...)

今年過左一個難忘的生日，請了假，去了海洋公園瘋狂一番。
但係好多機動遊戲都無玩到...好失望...希望下次可以玩返啦~
仲有多謝各位FACEBOOK留言、SMS、電話既祝福~多謝各位~

多謝HING TING整左個生日蛋糕俾我，好幸褔丫~多謝妳~好好食唷~！！！(曬命)

上星期終於有時間同大佬去Select-18，不過由中環行上去真係要左我條命咁濟...
去到先知原來可以搭電梯上去，對我呢d九龍人黎講...真係大鄉里出城咁，
幾經辛苦終於上到去，但入到去之後真係悶氣全消，一入到去好多女裝...
如果我係女仔，可以說是天堂。但男裝但得一細個corner位，雖然有點兒失望，
但無損我尋寶的興致，garcons、Ann Dem、APC、MMM、house of holland、|
Alexander Mcqueen等都有，仲有差不多二千多副世界各地大小名牌的眼鏡，
又可以是眼鏡控的天堂~嘻~仲要大部份都可以講價，但買古著野真係好講運氣，
又靚又平但無你SIZE，喊都無用，所以都要做定心理準備吧~笑~
由於資金所限，所以淨係買左件PAUL&JOE既SHIRT，無買到MQ既短褲...
MQ你要等我返黎丫...但最大驚喜係老闆之一既MIDO，佢係一個香港土身土長既外國人，
一口流利的廣東話，仲要勁NICE勁健談，傾左好多野，希望下次得閒黎再執到好野啦~XD~

Select-18

今年最期待的電影<風雲Ⅱ>，雖則宜家天下爛到乜咁，但我之前點都算係一個天下fans，
見到無名用萬劍歸宗真係好正，不過點解無名d頭髮咁直既...雖然搵何家勁做無名幾好，
但點解唔搞搞個頭呢，最好拍埋屠龍，打帝釋天同埋斷浪就好啦...

仲有等到頸都長埋既TOY STORY3~下年做啦~

2009年6月10日   星期三   陰/晴

原來不經不覺已經有好幾個月無打Xanga了，有點尋回久違了的感覺...

回想起之前，我會為當時的所見所聞，所發生的事一一記錄在Xanga，和大家分享，

但當facebook普及，令到很多很多人都將xanga都忘記了，雖則我沒中上facebook毒，

但我都踏上以上相同的人的步伐，慢慢將xanga忘記，而且失左打Xanga的動力，

正如現在失去動力的我...做甚麼事總是提不起勁..但在我的角度，抒發自已的心情與感覺，

Xanga比facebook優勝。自問其實想打日記簿很耐，但自已知自已事，我手寫的字真是...滴汗...

所以都是打消這個念頭，再踏上Xanga之路。

今年雖然重考CE，但自知沒有盡力，成績沒太大奇望，只求聽天由命。

當妳重回工作崗位後，妳的工作比之前更忙，發展的範圍更大，

每天都是工作工作和工作，相見的時間相對地大減，開始感覺得不太習慣...

雖然身為男朋友的我，當然會為妳的目標給予最大的支持及打氣，但每當自已看見她拼命地工作而再回望自已的處境，

原地踏步，自愧不如的感覺立即湧現，頓時發覺我倆雙方之間的距離好像走得愈來越遠...這種感覺很難受...真的很難受...

好想好想計劃節目把自已生活排得密密麻麻，盡量令到自已不要多想...這未免太孩子氣吧...？

很想去出一身汗，但奈何自已的腳傷，終日是工作和睡覺...為何傷病總是纏著我揮之不去...

2009年1月11日   星期日(溫度終於跌到單位數，正！！)

星星阿大生日快樂！！！又老一歲啦妳~哈哈哈哈哈哈~~~

壹傳媒員工月薪過萬下月起減薪3.5%

壹傳媒集團向員工發出通告，由下月一日起，月薪在一萬元以上的員工，
一律減薪百分之三點五。集團解釋，是考慮到本港的經濟環境，以及增加集團的競爭力。
有員工表示，雖然減薪，今年仍然有雙糧及半個月花紅。
(P.S上述呢單消息完全對我無影響，因為呢D低級職員，點會有一皮野人工丫...)

新一年會有一個全新的2009年版本的黃鎮強出現，要發奮！要儲錢！要努力溫習！
要修心養性！要睇多D書！要少打機！要多思考多用腦！為將來的前途打算！！！

尾花大輔終於發表左N.Hollywood 2009 S/S Collection

雖則踏入09年只有十日，但已經睇了兩套電影了，第一套係"梅蘭芳"，而第二套係"澳大利亞"，
"梅蘭芳"其實可以好好的，少年梅蘭芳的演出令人讚嘆，和黎明完全比下去。
還有令人耿耿於懷的一幕，就是梅蘭芳與孟小冬的一段情，相愛而不能長相廝守，
但要身為一代名伶，為了成功，就要放棄一切。還有阿嬌完全被CUT了，
令到中梅蘭芳和福芝芳之單的感情可以說似有還無...有種被CUT得體無完膚的感覺...

新一年1、2、還有很多戲好有興趣，而家睇了"梅蘭芳"同"澳大利亞"，好有興趣的有已上的有"停車"、
"機動部隊-同袍"、1月中至尾上的"奇幻逆緣"(個名真係譯得好差...)、"崖上的波兒"、"赤壁2"、
2月上的"救人七命"、"一百萬零一夜"、"華爾基利暗殺事件"等...睇戲睇到窮...

新一年第一件開心既事就係方大同終於捱出頭來，拎了叱o宅既最佳男歌手，
但香港根本容納不到你，半放棄香港市場果然正確，好歌必有好報，有實力自然有人識欣賞！
另外收到風，香港樂壇中暫時令我最期的事件是Eric kowk同Jerald今年會重組SWING，萬二分期待！

演唱會日期及時間:09年2月21日0 b0 |1 t$ a$ T. @7 R(8:15P.m.)
地點:香港紅磡體育館
門票售價:HK$500/HK$300/HK$200
紅館裝修後小弟第一個必睇既SHOW！陳綺貞演唱會，必睇！必睇！！！！

張學友-學友光年世界巡回演唱會07，竟然而家先出碟...不過唔緊要，好歌唔怕遲！
另外仲有近日的新寵兒，來自英國的Nu-Rave樂隊-Klaxons，呢排日煲夜煲，
在電台上聽到Klaxons首Atlantis To Interzone，立即令我愛上了Klaxons了...

又黎先申報利益先，呢堆碟係應承左約法三章前已經買左，所以我無破戒丫...
但最估唔到本來諗住買張學友演唱會的CD，但又會買左一堆DVD返黎...唉...
烈血追風、綠里奇蹟、2001太空漫遊(暫時一世仔最難明的一套戲...)、
仲有小弟的第一隻的黑澤明作品-活人的記錄、最後仲有HING TING的推介，傲慢與偏見。
應承左人，要睇哂屋企果座碟山先可以再買...即係我諗呢一年內可以唔洗再買碟LU，慳好多...

荷蘭設計師Reinier de Jong所設計的書櫃，非常適合寸金尺土的香港，
可以自已增大或姐收縮，隨意想怎樣就怎樣，當我一看見這個書櫃後，
足以令我目定口呆，十分佩服設計師的想像力，我也想要一個丫...><

星期二補假就同左HING TING、CHERRIE同阿樂去踩單車，又由大圍踩到入大尾篤再去大埔還車，
之後踩完夜晚就返學，不得不佩服我地的體力/能...汗...不過踩單車真係好好玩，好想再玩多次~XD~

除夕夜-難忘的一年

2008年12月31日   星期三(好凍丫)

不經不覺，原來已經到了2008年的最後一日了...時間過得真快...
但今年世界各地和自已都發生了很多很多事，彷佛好像在數年前發生一樣...
今年世界各地的人有很多時間都在佈滿陰霾的情況下生活，天災人禍，
例如前半年的緬甸的風災，四川的地震，中東地區的恐怖襲擊，以致後半年，
雷曼事件、金融海嘯，令到數以百萬計的人受到影響，雖然8月有一個成功的
北京奧運沖喜一番，但之後無以復再了...但隨著美國首位黑人總統OBAMA當上總統後，
都為美國及以至全世界都帶到新希望，新一年希望所有事都可以順順利利，
雖則來了一個大海嘯，聽聞繼30年大肅條後最大的經濟，有危先有機，天無絕人之路，
香港人更難捱的日子都捱過，我深信一定能渡過的，全世界一起加油吧！！！

而自已今年亦比去年經歷了更多事情，例如難忘的大陸行、第一次去澳門，不停地食、
右腳第一次嚴重受創、看了林海峰、MLA、農夫的SHOW、難忘的生日、半工讀下重返校園、
識了很多新朋友、蘇佬暫別大家到外地生活、橙軍的新波衫(狗哥返黎先搞得掂...)、
當然小弟最後還標了個尾會，終於放下之前的陰影，找到了我的第二春了，展開人生的新一頁了，祝福我吧。

多謝妳給了一個難忘的平安夜、聖誕節及除夕夜及新年我，多謝妳！！！

之前公司放在LOBBY的聖誕樹，但比上年的還細，但給我帶來好運了。